SA vrou druk haar pad oop na
węreldkroon
BEELD - Dec 09 2004
10:43:02:553PM
Wilhelm de Swardt
Wat doen jy as jy moeg is
om vliegtuie en vragmotors rond te trek en trekkerbande te flip? Jy gaan
soek 'n nuwe uitdaging soos armdruk en word węreldkampioen. Dit is wat
die 44-jarige Judy Jacobs van die departement van justisie gedoen het.
Wat doen jy as jy moeg is
om vliegtuie en vragmotors rond te trek en trekkerbande te flip?
Jy gaan soek 'n nuwe
uitdaging soos armdruk en word węreldkampioen. Dit is wat die 44-jarige
Judy Jacobs van die departement van justisie gedoen het.
Die
armdruk-węreldkampioenskap is vandeesmaand vir die eerste keer in Durban
aangebied. Sowat 600 sterkes van 32 lande het deelgeneem.
Volgens Jacobs was dit byna
'n geval van Russe net waar jy kyk - 120 van hulle het deelgeneem.
Jacobs se teenstander in
die meestersafdeling (vroue ouer as 40) was ook 'n "Russiese tannie".
Maar nie sommer net nog 'n tannie nie. Zinaida Kubacova was al die
węreldkampioen. Verlede jaar het sy tweede geëindig.
Daarenteen het Jacobs in
April vir die eerste keer deelgeneem.
"Ek is maar nog 'n
groentjie. Wat baie gehelp het, is toe ek hoor hoe 'n omie van Japan vir
iemand verduidelik dat in armdruk moet jy slim en vinnig wees. In die
sport gaan dit oor 75% tegniek en maar 25% krag.
"My tegniek is nog nie wat
dit moet wees nie. Ek maak nog te veel op my krag staat."
Jacobs en Kubacova het vier
keer hande gevat om te bepaal wie die węreld se beste is. Twee keer het
die Rus met slinkse plannetjies probeer om die Suid-Afrikaner te ontsenu.
Jacobs het haar egter nie laat intimideer nie.
Die twee keer wat saak
gemaak het, het Jacobs net 30 s nodig gehad om Kubacova tot oorgawe te
dwing. 'n Wedstryd kan tot 2 min. duur.
"Ek het die Judy-wall
ingespan om te wen. Niks kom sommer daardeur nie," sę Jacobs.
Jacobs het in die jare tagtig aan kragoptel deelgeneem en hou steeds die
Suid-Afrikaanse rekord in benchpress. In 2001 was sy die
vroue-węreldkampioen daarin. Later het sy tydens Sterkman-kompetisies 'n
trekkerband al 105 keer geflip en 'n 36 t-vragmotor getrek.
