|
 "Dit
gaan nie oor grootte nie, enigiemand kan armdruk doen,
dit gaan oor krag en tegniek", sę Willie Botha, kaptein van
die Suid-Afrikaanse armdruk-span.
Die Suid-Afrikaanse Armdruk-akademie het in 2002 lid van die
Węreld Armdrukfederasie geword en is nou een van meer
as
52 lande wat aan die federasie behoort. Verlede jaar het die
SA-span aan die węreldkampioenskap in Manchester
deelgeneem.
Daar was meer as 44 lande teenwoordig en meer as 1
400
armdruk-deelnemers.
Botha is die Suid-Afrikaanse 80 kg-kampioen en nommer nege in die
węreld. Sy seun, De Wet (18), is tans die SA-kampioen in die 70 kg-afdeling
en het 'n negende plek op die węreldkampioenskappe behaal.
Met Botha se Brothers in Arms-klub rig hy mense af en wys hulle
waaroor armdruk gaan. Hy het al regoor suidelike Afrika werkswinkels
in klein dorpies en skole aangebied om talent te soek.
"Dit is 'n redelike groot sport en dis vir meisies ook," sę Botha.
Judy Jacobs was die eerste dame wat in 2004 armdruk-węreldkampioen
geword het. "Oupa, ouma en kleinboet kan armdruk," vertel Botha.
Volgens hom is dit 'n goeie oorgangsport vir byvoorbeeld
oud-rugbyspelers en -stoeiers. "Dit is 'n verskriklike lekker
toeskouersport," sę hy.
Vanaf 5 Julie tot 1 September word daar elke Donderdagaand by die
Maroela Hotel 'n armdruk-toernooi aangebied.
Amateurs en professionele armdrukkers kan deelneem en dit is hier
waar Botha vir talent gaan soek. Vroeër vanjaar het hy 69 nuwe
armdrukkers net in die noorde van Pretoria gewerf.
As musikant is Botha bevoorreg om regoor die land te toer en mense
by feeste en vakansieoorde aan die sport bekend te stel. Sy droom is
om armdruk as 'n skoolsport erken te kry.
Hy is bereid om tafels aan skole te skenk om die sport aan die gang
te sit. Volgens hom word armdruk reeds in Europese skole as 'n sport
erken.
"Dit gaan oor krag en tegniek," sę Botha. Hy vertel van mans met
baie groot spiere wat vinnig uitval teen die kleiner ouens. "As jy
nie krag het nie, kan jy nie die tegniek toepas nie. Jou hande en
gewrigte is belangriker as om groot spiere te hę," sę hy.
Hy vertel dat hy in 1985 weermag toe gegaan het en net 49 kg geweeg
het. "Ek was die kleinste outjie gewees," sę hy. Hy het besluit om
te oefen en het sterker en groter geword.
Vandag is hy die węreldkampioen. "If you really want it, you can get
it," sę hy. |
